Noong may news sites na nag-verify na hindi sya pang-April Fools, hindi na ako natawa. May kilala pa nga akong seryosong naiiyak pag naiisip nyang magdi-disband na ang Urbandub.
Hindi na ako sasabay sa mga magb-blog ng "I'm a real Dubista cos I was there from the start, here are some pictures". Pero sana sa munting blog post na ito, makapagpasalamat ako sa banda.
Sorry, hindi ako marunong mag-Bisaya, pero sana maka-abot sa banda ang message na ito:
Dear Gabby, Jan-Jan, John, and Lalay,
Maraming maraming maraming salamat sa inyo. Naging malaking part na ng buhay ko at ng maraming tao ang music ninyo.
Noong nagkaroon na ako ng pera para makabili ng sarili kong bass guitar, mga kanta nyo ang gustung-gusto naming tugtugin ng mga kaibigan ko.
Noong nagsisimula pa lang matutong mag-drums ang anak ko, kanta nyo lang ang gusto nyang sabayan:
Hinding-hindi ko rin makakalimutan yung birthday ko nung 2010. Isa ako sa mga swerteng nabigyan ninyo ng invite para maging audience sa "super secret taping" ng 10th anniversary concert nyo ("Alive Out There with the Manila Symphony Orchestra"). Bawal kumuha ng video nun, pero sabi nyo nga dito sa kantang to, "great moments, they pass by, if you're careless"
Sa May 9, kasama ko ang mga kaibigan ko, pati na ang anak ko, para mag-celebrate ng 15th anniversary ninyo. Ayaw kong isipin na ito na ang last dance. Alam kong magkikita-kita pa rin tayo.
Thank you for the music, Urbandub. In our hearts, you'll stay.
Permanent.
0 comments:
Post a Comment