Eraserheads - 1995

Kung nasusundan nyo tong blog na to, siguro naman may idea kayo kung ano ang pinaka-paborito kong banda, dahil 80% yata ng blog na to e tungkol sa kanila. At malamang alam nyo na rin siguro ngayon na may nilabas silang dalawang bagong kanta, ang "Sabado" at "1995"

ANO?! HINDI MO ALAM? Sorry ha, hindi kasi tungkol sa milagrong ginawa ng Esquire ang isusulat ko na to e. Eto basahin mo na lang.

Tungkol kasi to sa pagkakaintindi ko sa "1995". Pakinggan nyo muna at basahin ang lyrics.

Saan? Saan na napunta?
Kislap ng yong mata
Ay babalik pa ba?

Ngayon ang langit ay bughaw
At siya'y sumasayaw, ako'y nasisilaw

Sa labas sila'y naglalaro
Hindi makatayo
Sinong sasalo?

At kung hindi naman sa yo
Ay wag mong angkinin
Dyan ka magaling

Ngayon ang langit ay bughaw
At siya'y sumasayaw, nabulag sa araw.

Pwede bang sunugin ang tulay?
Ayokong sumabay
Sinong papatay?
Ako'y naghihintay
Sa 1995

1995

Pwede bang sunugin ang tulay?
Ayokong sumabay
Sinong papatay?
Ako'y naghihintay

Saan? Saan na napunta?
Kislap ng yong mata
Ay babalik pa ba?

Tungkol saan to? Isang araw, naka-chat ko ang isang aking fellow Eraserheads fan at naging ganito ang usapan namin, because we're fanboys like that.

  

Ayun na nga, para daw sa mga nagpupumilit ibalik sa nakaraan ng Eraserheads ang 1995.

Pero nito lang, matapos kong makuha ang Esquire copy ko, pumunta ako sa event kung saan tumugtog ang isang bandang binuo ng mga myembro ng Sandwich + Pupil + The Dawn + Markushighway. Nandoon yata halos lahat ng mga bandang umiidolo, at yung iba nga ay natulungan pa, ng Eraserheads.

Bigla na naman akong nagka-epiphany:

Tungkol sa OPM ang 1995.

Para maintindihan nyo ako, ililista ko lang ang ilan sa mga significant na pangyayari sa OPM noong 1995:

• Nilabas ni Francis Magalona ang kanyang masterpiece album, ang "Freeman"
• Nanalo ang Color It Red bilang Best New Artist sa Awit Awards para sa kanilang debut album, ang "Hand Painted Sky"
• Nilabas ng Teeth ang kanilang self-titled album, kung saan galing ang "Laklak" at "Princesa"
• Nilabas ng True Faith ang "Build", kung saan nanggaling ang mga kantang "Hi", "Alaala", "Kundi Rin Lang Ikaw", at "Baliw"
• Nagpaalam ang The Dawn sa pamamagitan ng farewell tour para sa album nilang "Puno't Dulo" kung saan galing ang "Salimpusa" at "Talaga Naman"
• At syempre, nilabas ng Eraserheads ang isa sa kanilang pinakamahusay na album, ang "Cutterpillow". 

Pag hindi mo alam kung ano ang Cutterpillow, umalis ka na sa site na to. Shoo!

1995 pa lang yung mga nabanggit ko ha, hindi ko pa nasasabi kung ano yung mga nangyari noong 1994:

• Nilabas ng Eraserheads ang "Circus", na rival ng Cutterpillow para sa "Best Eraserheads Album Ever"
• Nilabas ng Yano ang self-titled album nila kung saan galing ang mga kantang "Kumusta Na", "Banal Na Aso", "Tsinelas", "Esem"
• Nilabas din ng Alamid ang kanilang self-titled, kung saan naman galing ang kantang "Your Love"
• AT ipinakilala sa ating lahat ang bandang Rivermaya (lineup: Bamboo, Rico Blanco, Nathan Azarcon, Perf De Castro, Mark Escueta) through their self-titled album kung saan galing ang "Ulan", "214", at "Awit ng Kabataan"

Galing ng 1995 no? OPM ang nag-dominate sa radio, considering malalakas ang foreign artists noon tulad ng Pearl Jam, Sepultura, Alice in Chains, Soundgarden, Rage Against The Machine, Pantera, tsaka yung The Reyd Hat Chili Peypers Band tsaka lahat ng klase ng grunge, tsaka death metal, ok?

Teka humahaba na yung blog ko baka ma-TL;DR na ako nito. Gamit ang aking primitive powers of analysis and interpretation na limited lang sa Humanities 1, sinubukan kong himay-himayin ang "1995" at bigyan ng kahulugan ang mga letra:

Saan? Saan na napunta?
Kislap ng yong mata
Ay babalik pa ba?

"Dear OPM, seriously, what the fuck happened?" 

Ngayon ang langit ay bughaw
At siya'y sumasayaw, ako'y nasisilaw

"Ngayon, dahil sa internet, wala na ang shackles ng pagkakaroon ng record label. Napaka-high tech na ngayon, sobrang dali nang makapag-produce ng album."

Sa labas sila'y naglalaro
Hindi makatayo
Sinong sasalo?

"Pero bakit ganon? Yung mga tinuturing nyong legends na ng OPM, kailangan pang magpunta sa ibang bansa para kumita."

At kung hindi naman sa yo
Ay wag mong angkinin
Dyan ka magaling

"Yung mga sikat naman ngayon dito sa Pilipinas eh wala namang ibang ginawa kundi mag-revive lang ng mga kanta ng ibang tao."

Pwede bang sunugin ang tulay?
Ayokong sumabay
Sinong papatay?

"Parang ayaw ko nang sumulat ng kanta, kasi wala naman yatang patutunguhan tong gagawin ko e. Di rin susuportahan ng mga Pilipino."

Ako'y naghihintay
Sa 1995

"Nakita namin noon ang glory days ng Original Pilipino Music. May pag-asa pang bumalik ito."

Read More

Nakikiuso sa OPM is NOT Dead

Napuno ang Twitter feed ko ng "OPM is Not Dead" rants at ang pinakasikat eh etong Philippine Star article na nagsasabing OPM is Dead at itong "hindi daw nya reply sa OPM is Dead article" blog ni Carlo Casas. Ang masasabi ko lang eh "TANGINA I-DEFINE MUNA KASI ANG OPM BAGO KAYO MAG-AWAY!"

OPM as in Organisasyon ng Pilipinong Mang-aawit: BUHAY PA! Sila yung makikita mo lagi sa news na mga matatandang singers na nagrereklamo kung bakit dumadagsa ang foreign acts sa Pinas. Kasalanan din nila kasi panay naman ang cover nila ng mga foreign acts sa mga gig nila e. Kung ano ang nagpapayaman sa nakakatanda, sya ring gagayahin ng mga bata. Tulad ng ASAP Sessionistas.

OPM as in Original Pilipino Mainstream: PATAY NA! Dahil FM Radio at TV ang current na basis natin kung ano ang "mainstream", naghihingalo na talaga ang lagay ng mga original na Pilipinong kanta. Tanungin mo ang sarili mo kung ano ang huling original na Pinoy song na kaya mong kantahin kahit walang lyrics na nakikita kasi paulit-ulit mong naririnig sa radyo. Yan ang mainstream. Kung OPM para sa yo ang Pusong Bato tsaka yung Phone Na Nokia Di Sinasadya ni Bugoy Drilon, laos ka pa rin kasi lumabas yun bago mag-2010. Anong taon na?

OPM as in Original Para Mayaman: 50/50. Yung mga may pangalan na sa industriya tulad ng Parokya Ni Edgar, Sandwich, Urbandub, Gloc-9, Itchyworms, masasabi nating malaki na ang perang nakukuha nila sa trabaho nila. Pero yung mga bagong banda na naghihirap ngayon para mapansin, sorry, yan talaga ang simula ng lahat. Cliche, pero bukod sa hard work, swertehan din lang yan. Pakinggan nyo na lang yung kantang Popmachine ng Eraserheads. Lahat pare-pareho ang tanong, "Kailan ba ako makikilala? Kailan ba ako magkakapera?"

OPM as in Original Pilipino Music: BUHAY NA BUHAY! Alam nyo, dalawang taon ako nabuhay sa Singapore. Isa sa mga common icebreakers sa opisina doon kapag nalaman na Pinoy ka eh "So you're Filipino, you must sing very well!". Legendary ang passion ng mga Pinoy para sa music. Yan pa lang, masasabi mo nang bullshit ang "OPM is Dead" e. Ngayong nakabalik na kami sa Pinas, ang unang inatupag ko e pumunta sa Saguijo para pakinggan yung mga bagong banda. Nasa incubation period pa ang next batch ng mga legendary acts, pero mahuhusay talaga sila. Isa sa mga paborito ko: Stickfiggas. Seriously, panoorin nyo sila nang live.

Wala na ang NU107. Boo-frickity-hoo. Pero teka, nakanood ka na ba ng Dig Live From A Portalette sa DigRadio? Eh nakakanood ka ba ng mahuhusay na Tower of Doom Sessions? Ano ang paborito mong video sa SplintrDotCom? Eh yung habit-forming Java Jam Mondays, Rock Bato Wednesdays, tsaka Live at 2299 Thursdays sa Radio Republic? Kung ang definition mo ng OPM e NU107 at yung LA105-powered 90s alternative rock scene, kasalanan mo yan kasi hindi ka na naka-move on. I pity you.

Bilang pagtatapos sa "OPM is Dead" issue na ito, I shall quote one Original Pilipino Musician's tweet almost one week, I repeat, ONE WEEK bago lumabas yung Philippine Star article :

Na senti kanina sa Ang Nawawala gig habang pinapanood and mga bata. Buhay ang eksena. Padayon.
— Myrene Academia (@Mapins) August 18, 2012

Read More